Traustar undirstöður
Fjárhagur

STAÐAN Í DAG

Það sem vel gengur

  • Þjónustu hefur að mestu leyti verið viðhaldið þrátt fyrir fordæmalausan niðurskurð
  • Kostnaður á hvern legudag á Landspítala er 52% lægri en á sænskum samanburðarsjúkrahúsum
  • Stuðningur þjóðarinnar er fyrir því að auka fjármagn til heilbrigðisþjónustu
  • Öflugir stjórnendur, góð gögn um starfsemi og rekstur

Hvað getum við gert betur?

  • Móta þarf heildarsýn fyrir heilbrigðiskerfið og skýra hlutverk Landspítala innan þess
  • Samræma þarf fjárveitingar til Landspítala við hlutverk sjúkrahússins og vaxandi eftirspurn eftir þjónustu
  • Gera þarf langtímarekstraráætlun, sem byggist á raunhæfum fjárveitingum og metinni þjónustuþörf og nýtist því sem stjórntæki
  • Tryggja þarf fé til vísindarannsókna, nýsköpunar og þróunar
  • Tryggja þarf samkeppnishæf kjör

FRAMTÍÐARSÝN

  • Fjárhagur Landspítala er traust undirstaða öryggismenningar, þjónustu, mannauðs og stöðugra umbóta
  • Fjárveitingar til Landspítala endurspegla umfang þjónustu og annarra verkefna og hægt er að bregðast við óvæntum áföllum
  • Fjárhagur Landspítala leyfir ábyrga ráðstöfun fjár til þróunar og nýsköpunar
  • Dreifing fjár innan Landspítala miðast við umfang verkefna og stefnumið
  • Fjárveitingar tryggja þjónustuform við hæfi og öruggt aðgengi sjúklinga

ÁHERSLUR NÆSTU ÁRA

  • Útrýma sóun, hámarka nýtingu fjár og virði þjónustunnar. Tryggja viðeigandi fjárframlög sem hæfa verkefnum Landspítala, lögbundnu hlutverki og vaxandi eftirspurn.
  • Tryggja fjármögnun vegna endurbyggingar eldra húsnæðis þannig að það styðji við sameiningu allrar bráðaþjónustu
  • Tryggja fjármögnun til tækjakaupa sem nemur 1,8% veltu.
  • Tryggja fjármögnun til vísindastarfa sem nemur 3% af veltu svo og menntunar.
  • Tryggja fjármagn til að laða að og halda í hæfa starfsmenn, sinna viðeigandi þjálfun og starfsþróun og að starfsumhverfi á spítalanum sé öruggt og styðji við viðurkennt verklag.
  • Innleiðing nýrra laga um opinber fjármál.
  • Gerð langtímaáætlana samkvæmt lögum um opinber fjármál.
  • Innleiðing breyttrar fjár-mögnunar sem byggist á þjónustuþörf og framleiðni.

ÁRANGURSVÍSAR

  • Rekstrarniðurstaða í rekstrar- og efnahagsreikningi
  • Hlutfallstala tækjakaupa, vísindastarfs og menntunar í samræmi við markmið
  • Mannauðsvísar
  • Starfsemismælikvarðar endurspegli rekstrarmarkmið
  • Gæða- og öryggisvísar endurspegli gæða- og öryggismarkmið